Michael Buble ta asaw kyhpachana vata music khizaw apaha sai ha aw

October noh 12 za interview na liata Michael Buble heta music apahasai awpa chôcha he aphua,music apaha sai nawpa chhâpa chhao he asawchapaw Noah cha cancer pasana ahnei  tawhta apalô he thla pata music lachha he hriakhao lei awpata apaloruh liasa avaw taopa acha.

Kô 43 ta uthei pa Buble he  song writer ,producer nata hla sathaipa chata Grammy Award chhao ei palih (4) vaw la hma ha,amusic style he jazz vocal,country nata hla nathlie ngiary chhi kawpa chi sai acha.Daily Mail megazine ta apakyhna liana heta Buble heta Social media chhao hma khao hra lei pawta,achhokha lâ chakaona raih ahma via ha ba aw.

" Paw eichâ tawhta cha hmotaopa hlupi ybtah cha hry kiata saw nazy moho awpa raihe apeimaw chai" tahpa za rei hrata asawchapaw cancer pasa hneipa kyhpachana  va heta music khizaw chhao he apahasai awpa hawta pacha pa acha hra.

Michael Buble he November  12 heta a album hno chai awpa "Love" tahpa release awta ,he khai tawh ta cha  music he apaha sai pathla pa haw aw.

Joe Satriani,steve vai,Neal Schon,Marty Friedman nata chysa hropa zyta Jason Becker album "Triumphant Heart" papua aw.

Music Theories Recording nata Jason Becker album thiepa he December 7 ta ama released aw .

                           Jason Becker he America Heavy Metal guitarist chata chysa talent hnei pha kawpa  chata,ahawti no tawhta guitar athai pa vâta alaluah  hata  kô 16 cha pata a best friend Guitarist Marty friedman nata Cocophony   band ama  padua kho pahra,Kô vaw sie lyma ta Cocophony ama break tawhta  1989 khata kô 19 chapa ta David Lee roth band liata guitarist awpata angia ta album chhao a tao khei hma hra ei.

1990 kha ta Best New Guiatrist award avaw dao ha hra,Joe satriani ,stevai zy nata akaw la luah kho pa ama cha taraw pata ,1991 tawh khata jason he tha pasana (motor neuron Disease,steven Hawking ta apasa khei hawpa chi) pabua pata aphei tawhta aku taihta papie thei khao lei pata vaw y hapa acha.
Thlaita apôhpa zydua ta atie thei lei pata avaw y pathla pata,ahro liata achhua chaipa  chhao tlô thei khao leipata rakhô lia sai aziapa ta daiti avaw hma haba.

1996 tawh ta cha Jason he bierei thei khaolei,ku chhao hmathai khaoleipa ta avaw na daiti liata apaw ta computer digital hma pata amokhao tawhta abie rei pa pahno thai na tao eita he hma pa heta daiti avaw lyma.heikholeina ahnei na chô heta music he basai leipa ta amusic ohipa zyh cha chusa hropa patôsa  pata album chhao avaw papua ha hra.

2012 khata Jason becker thati "jason becker :Not dead yet " Documentary flim papua eita  award adao ngapa acha.

Kô 29 hlei avaw khô tawh chhaota album thiepa papua achhua heita he liata deikua cha,amusic hlaphipa  na he guitarist joe satriani,steve vai,neal schon ,marty friedman nata guitarist hro hro pazy tah ama tô pa aw.

"Chysa zy heta na ngiachhie kaw tyh eita ,eipahnothai kaw hla keima chhaota eipyh hra ,chahra sala he chysazy he kyh napachatu pazy sai châ eita,music chhao phi via lyma hraw nata basai aw vana " tahpata album thiepa avaw papua thei aw pa chocha liana heta avaw rei hra.
Ahla thokhazy-

-Rain

-Altitude

-serrana

-Air

- perpetual burn

"Triumphant Hearts" track list:

01. Triumphant Heart (ft. Marty Friedman, Gluaco Bertagnin, Hiyori Okuda)
02. Hold On To Love (ft. Codany Holiday)
03. Fantasy Weaver (ft. Jake Shimabukuro)
04. Once Upon A Melody
05. We Are One (ft. Steve Knight)
06. Magic Woman (ft. Uli Jon Roth, Chris Broderick)
07. Blowin' In The Wind
08. River Of Longing (ft. Jon Satiriani, Aleks Sever, Guthrie Govan, Steve Morse)
09. Valley Of Fire (ft. The Magnificent 13)
10. River Of Longing (ft. Trevor Rabin)
11. Taking Me Back
12. Tell Me No Lies
13. Hold On To Love (ft. Codany Holiday) [Chuck Zwicky Remix]
14. You Do It

Tupac Shakur malaysia liata hmopa acha

Khizaw rapper legend Tupac shakur cha malaysia liata Beyonce zy nata party naliata hmokhopa acha.

Tupac Shakur he 1996 liana khata chysa pahno leipa ta kasao hata.
Athi tahpa ama phua tawna khata reileipa liata tupac he thi lei pata thi pa hawta nothla achâ (fake own death) tahpa ta thata athati kha apatha ngapa achâ.

Athi tawh thlanoh khôpa lia chhaona khata social media liata Tupac kha athi tlaima tah pa ta thata hiahrina kha a y ngala tyh pa chata.

Atahma kô hlupi avaw khô tawh ta Tupac thivei tahpa ta avaw luah heita ,he he  Death Row record founder sawchapaw  pa suge .J knight tah avaw rei papua heihra.
Surge j heta a Instagram chhaokha delete pa hata ,tupac thivei tahpa aphua khai tawhta adelete pa chata,he adelete na chhapa chhao he vyuna bie atyhpa vata acha hra.

Surge J.  tah areina dah liata cha Tupac he malaysia rah liazy pahra tyh ta khizaw rapper 50 cent nata chysa hropa celeb hlupi zyhta chhao ta a y na suh he ama tly tyh tahpa ta rei ta,
He abie rei pa he haipa acha nata pangiasa achhi leina chhapa cha,a istagram liata  Tupac nata Beyonce party liata nothla post ta seconds15 tlai y hma pata adelete pakhua heipa chata,chalei chhaota ahno la tawta "bie dopa la khizaw chysa zydua ta ama pahno Papua na daiti atlô aw tahpa ta apost pahra".

Tupac shakur he athi hmeisei ma hmeisei vei tahpa he khizaw ta âchhyna atlua ngala chy hrapa acha.

Chadeikua sala he bie he ahmeisei pa  acha tahpa deikua sia leipa ta ,avaw dopa acha khiata cha Tupac Shakur he Varah lia tlyma meitipo liata tlyma y lei pata eima khizaw lia acharei hla chy hra tahna acha.


---The Hollywood